တစ်ခေတ်ဆန်းအလှမယ်တို့နှင့် နောက်ကွယ်မှ ၀ိရောဓိများ | venuscurves
  • BEAUTY IS ONLY SKIN DEEP!!!!

    တစ်ခေတ်ဆန်းအလှမယ်တို့နှင့် နောက်ကွယ်မှ ၀ိရောဓိများ


    Byဇွဲဉာဏ်ကြူကြူဟန်

    အသံဖမ်း စက်ပေါင်း များစွာဝန်းရံထား သည့်အလယ်တွင် သိလိုသမျှကို ဖြေကြားနေရင်းမှပင် သူမ၏ မျက်ဝန်းများဆီမှ မျက်ရည်များလိမ့်ဆင်းလာသည်။ တစ်ချက်တစ်ချက် ရှိုက်လိုက်ပြီး အားတင်းကာ သတင်းထောက်များ၏အမေးကို ဖြေကြားနေသည့်ကြားမှပင်အသံများက တိုးတိမ်သွားသည်။
    မြန်မာဝတ်စုံကို သေသပ်စွာ ၀တ်ဆင်ထားပြီး သတင်းထောက် များသိလိုသမျှဖြေကြားပေးနေသူ မှာ အသက် (၁၇) နှစ်သာရှိသေး သည့် အလှမယ်ဂျူးစံသာဖြစ် သည်။ နောက်ရက်သတ္တပတ် အနည်းငယ်တွင် အဇာဘိုင်ဂျန် နိုင်ငံတွင် ပြုလုပ်မည့်စင်မြင့်ထက် ၌ နိုင်ငံပေါင်းတစ်ရာကျော်မှ အလှမယ်များနှင့် ယှဉ်ပြိုင်မည့်မြန်မာနိုင်ငံ ကိုယ်စားပြုရွေးချယ်ခံထားရသူတစ်ဦးဆိုလျှင်လည်း မမှားပေ။
    သို့သော်ထိုအခွင့်အရေးကို သူမလက်လွှတ်ဆုံးရှုံးလိုက်ရ သည်။ ၎င်းကို မြန်မာနိုင်ငံကိုယ် စားပြု Miss Globe Myanmar အဖြစ်ရွေးချယ်လေ့ကျင့်ပေးနေ သော အဖွဲ့အစည်းနှင့် စာချုပ်ကိစ္စအပါအ၀င် လူမှုရေးအဆင်မပြေ မှုများကြောင့်ပေးအပ်ထားသည့် သရဖူရုပ်သိမ်းခံလိုက်ရကြောင်း တစ်ဖက်အဖွဲ့အစည်းက ကြေညာခဲ့သည်။
    ‘‘သမီးဒီလောက်ထိ ကြိုးစား ပြီး ငွေကုန်ခံ၊ အချိန်ကုန်ခံပြီး သမီးရဲ့ အင်အားတွေနဲ့ ကြိုးစားခဲ့ တယ်။ ကြိုးစားခဲ့ပြီးမှ ဒီလိုဖြစ် သွားတာဆိုတာ့ ဘယ်လောက်ထိ ရင်ထဲမှာ ကြေကွဲခံစားနေရတယ် ဆိုတာကို တကယ်ပြောမပြတတ် အောင်ပါပဲ’’ဟု ဂျူးစံသာကဖြေ ကြားပြီး ပါးပြင်ထက်မှ မျက်ရည် များကို တစ်ရှူးစဖြင့် သုတ်ဖယ် လိုက်သည်။
    မြန်မာနိုင်ငံတွင်အပြုသဘောဆောင်သော ပြုပြင်ပြောင်းလဲရေးများပြုလုပ်အပြီး နိုင်ငံတကာမျက်နှာစာ၌ သိသာထင်ရှားသော အောင်မြင်မှုများအနက် နိုင်ငံတကာစင်မြင့်များထက်တွင် မြန်မာအလှမယ်များပြန်လည်လျှောက်လှမ်းခွင့်ရလာခဲ့ခြင်းသည်လည်း တစ်ခုအပါအ၀င်ဖြစ်သည်။
    ၂၀၁၂ ခုနှစ် နိုင်ငံတကာ အလှမယ်ပြိုင်ပွဲတွင် အလှမယ် နန်းခင်ဇေယျာ ပွဲဦးထွက်သွား ရောက်ယှဉ်ပြိုင်ခဲ့ရာ မျိုးချစ်စိတ် ဖြင့် တစ်ခဲနက်အားပေးခဲ့သည် မှ အစပြုကာ နိုင်ငံတကာပြိုင်ပွဲ ၀င်အလှမယ်များတစ်ဦးပြီး တစ် ဦးဆက်တိုက်ပေါ်ထွက်လာခဲ့ သည်။ နန်းခင်ဇေယျာမှ အစပြု ကာ ခင်ဝင့်ဝါအလယ် မေမြတ်နိုး အဆုံး ပရိသတ်က အင်တိုက်အား တိုက်အားပေးခဲ့ကြသည်။ သိသာ ထင်ရှားသည့်အချက်တစ်ခုအနေ ဖြင့် နှစ်ပေါင်းငါးဆယ်ကျော် အတွင်း ပထမဆုံးအကြိမ်ကမ္ဘာပေါ်တွင် အကြီးဆုံးအလှမယ် ပြိုင်ပွဲတစ်ခုဖြစ်သော မယ်စကြ၀ ဠာပြိုင်ပွဲသို့လည်း သွားရောက် ယှဉ်ပြိုင်နိုင်ခဲ့သည်။

     အညတရ သာမန်မိန်းက လေးများဘ၀မှပင် နိုင်ငံတကာ စင်မြင့်ထက်လျှောက်လှမ်းပြီး အိမ်အပြန်တွင် ပရိသတ်အသိ အမှတ်ပြု ထင်ရှားကျော်ကြားသူ တစ်ဦးအဖြစ် နေ့ချင်း၊ ညချင်း ရောက်ရှိခဲ့ကြသည်။
    သို့သော် လွန်ခဲ့သောလ အနည်းငယ်မှ စတင်ကာ အောင် မြင်မှုရ အလှမယ်များနှင့် သူတို့ အား ပြုစုပျိုးထောင်ပေးခဲ့သည့် အဖွဲ့အစည်းများတို့အကြား အက်ကြောင်းများကို စာမျက်နှာများမှ တစ်ဆင့်လူသိထင်ရှားဖြစ်လာခဲ့သည်။ အဖွဲ့အစည်းများက လုပ်ပိုင်ခွင့်ရသည့် ဘောင်ထဲမှ အလှမယ်များ၏ သရဖူကို သိမ်းခြင်း၊ လွှဲပြောင်းခွင့်ပိတ်ပင်ခြင်း စသဖြင့် တုံ့ပြန်ကြပြီး အလှမယ်များကလည်း သတင်းမီဒီယာများကို ပြန်လည်ရှင်းလင်းခြင်းဖြင့် အပြန်အလှန်စွပ်စွဲပြောဆိုမှုများ၊အငြင်းပွားမှုများက ပရိသတ်များကို မှင်တက်စေခဲ့သည်။
    ဆက်တိုက်ပေါ်ထွက်လာခဲ့ သော အလှမယ်များနှင့် အဖွဲ့ အစည်းများအကြား အငြင်းပွားမှု၊ မပြေလည်မှုများစွာထဲက ဂျူးစံ သာ၏ ပြဿနာမှာ သာဓကတစ် ခုပင်။ ဘယ်သူမှားသည်၊ ဘယ်သူမှန်သည်ဆိုသည်ကိုတော့ မည်သူ ကမျှ မဝေခွဲတတ်ပေ။
    သာမန်မိန်းကလေးတစ်ဦးမှ သည် အောင်မြင်မှုအသီးအပွင့် များခံစားပိုင်ဆိုင်လာရသည့် အလှမယ် တစ်ယောက်ဖြစ်လာသည့် အခါ အောက်ခြေလွတ် ဘ၀မေ့သဖြင့် ကာပြန်ခြင်းလော (သို့မဟုတ်)နောက်ကွယ်က ပံ့ပိုးပေးရသည်ဟူသော အဖွဲ့အစည်းများက စာချုပ်များဖြင့် အရာရာကို ထိန်းချုပ်ကန့်သတ်လိုခြင်း လောဆိုသည်ကိုမူ မည်သူကမျှ အဖြေ မထုတ်တတ်ကြပေ။
    နိုင်ငံတကာပြိုင်ပွဲသို့ သွား ရောက်ယှဉ်ပြိုင်မည့် အလှမယ် တိုင်းသည် ၎င်းတို့ကို ရွေးချယ်စေလွှတ်ပေးသော အဖွဲ့အစည်း နှင့် အနည်းဆုံးစာချုပ် တစ်နှစ်မှ သုံးနှစ်အထိချုပ်ဆိုရပြီး ယင်းစာ ချုပ်တွင် အလှမယ်ဘက်မှ လိုက်နာရမည့်စည်းကမ်းနှင့် ရပိုင်ခွင့် များထည့်သွင်း ချုပ်ဆိုလေ့ရှိ သည်။  စာချုပ်ပါ အကြောင်းအရာ များကို အများသိအောင် ပွင့်လင်း မြင်သာစွာ ထုတ်ပြပြောဆိုလေ့ မရှိကြပေ။
    မကြာသေးမီက မြန်မာကိုယ်စားပြု အလှမယ်အားလုံးထဲတွင် ပထမဆုံးနှင့် အမြင့်ဆုံးဆုဟု ပြော၍ ရနိုင်သည့် အာရှ-ပစိဖိတ် အလှမယ်ဆုကို ရရှိခဲ့သည့် မေမြတ်နိုးကတော့ ၎င်းနှင့် အဖွဲ့အစည်းကြားမှ ထိန်းချုပ်ကန့်သတ်မှုများကို ဖေ့စ်ဘွတ်ခ်စာ မျက်နှာတွင် အရိပ်အမြွက်ပြော ထားသည်။ ၎င်းအနေဖြင့် မဂ္ဂဇင်း၊ ဂျာနယ်၊ အက်ဖ်အမ်ဖြင့် အင်တာဗျူးဖြေကြားတိုင်း ဓာတ်ပုံတင်တိုင်း (ဖေ့စ်ဘွတ်ခ်တွင် ဓာတ်ပုံတင်ခြင်းကို ဆိုလိုဟန်တူသည်)  ၃၀ ရာခိုင်နှုန်းတောင်းဆိုသည်ဟု ရေးသားခဲ့သည်။
    အာရှ-ပစိဖိတ်အလှမယ်ဆု ရ မေမြတ်နိုးနှင့် ၎င်း၏ အလှမယ် အဖွဲ့အစည်းတို့အကြား လမ်းခွဲမှု မှာလည်း ဟိုးလေးတကျော်ဖြစ်ခဲ့ သည်။ ၎င်း၏ သရဖူကို အသိမ်း ခံတော့မည်ဟုပင် သတင်းများ ထွက်ပေါ်လာခဲ့သည်။ တစ်ဖက် နှင့်တစ်ဖက် အပြန်အလှန်စွပ်စွဲ ပြောဆိုမှုများက စာမျက်နှာများ ထက် ပလူပျံနေခဲ့သည်။
     နိုင်ငံတကာ စင်မြင့်တွင် သွားရောက်ယှဉ်ပြိုင်သည့်အချိန် မှ ယခုအချိန်အထိ ပရိသတ်အား ပေးမှုကို ဆက်လက်ထိန်းထားနိုင် သူ နန်းခင်ဇေယျာက ‘‘မြန်မာ နိုင်ငံမှာက အသက်ငယ်သေးလို့ နားမလည်ဘူးလို့ပြောကြတယ်။ နန်းခင်ပြောချင်တာက ဘယ်လို အကြောင်းကြောင့်ပဲဖြစ်နေပါ စေ စာချုပ်ကို သေချာဖတ်သင့် တယ်။ နားမလည်သေးပါဘူးဆို ရင် ကိုယ့်ထက်တတ်တဲ့သူတွေ၊ မိဘတွေနဲ့ တိုင်ပင်ပြီး ချုပ်မယ် ဆိုရင် နောက်ပိုင်းဘာအခက်အ ခဲမှ မရှိပါဘူး’’ဟု စာချုပ်ကိစ္စများ နှင့် ပတ်သက်၍ အကြံပြုသည်။
    ယင်းမတိုင်မီ ဖြစ်ခဲ့သော ခင် ၀င့်ဝါနှင့် ၎င်း၏ ဆရာဂျွန်လွင်တို့ အကြားမှ စာချုပ်ပြဿနာ၊ မေ မြတ်နိုးနှင့် ၎င်းကို ပံ့ပိုးပေးခဲ့သည့်အဖွဲ့အစည်းကြား သရဖူကိစ္စ အပါအ၀င် အငြင်းပွားမှုများ၊ အလှမယ်ဂျူးစံသာကို စည်းကမ်း မလိုက်နာသောကြောင့် သရဖူ သိမ်း၍ ပြိုင်ပွဲသွားရောက်ယှဉ် ပြိုင်ခွင့်ပိတ်လိုက်သည့်ကိစ္စ၊ လူ သိများထင်ရှားသည့် ခင်ဝင့်ဝါနှင့် ထားထက်ထက်တို့ကို ချုပ်ဆိုထားသည့် သဘောတူစာချုပ်သက် တမ်းမပြည့်မီ စည်းကမ်းမလိုက် နာသောကြောင့် သရဖူလွှဲခွင့်ရုပ် သိမ်းခြင်းစသည့် ပြဿနာအထွေ ထွေတို့က အလှမယ်လောကကို ဂယက်ရိုက်စေခဲ့သည်။
    ‘‘ပြိုင်ပွဲဝင်တဲ့အချိန် ပြိုင်ပွဲ ၀င်ဖို့ပဲ ခေါင်းထဲမှာရှိတယ်။ ကိုယ့်နိုင်ငံအတွက် အကောင်းဆုံးကိုယ် စားပြုချင်စိတ်ပဲရှိတယ်။ နိုင်ငံတ ကာမှာလည်း အကောင်းဆုံးယှဉ် ပြိုင်တာကို ပြသချင်တယ်။ ကိုယ့် ရဲ့ နိုင်ငံအတွက် အကောင်းဆုံး ယှဉ်ပြိုင်စေချင်တယ်။ ကိုယ်စား ပြုချင်တဲ့စိတ်က ပိုများတယ်။ အဲဒီအခါကျတော့ စာချုပ်ထဲမှာ ကိုယ့်အတွက် မျှတရဲ့လား၊ သူတို့ဘက်က ယူတာများသွားလားဆို တာကို သေသေချာချာမစဉ်းစား နိုင်တာမျိုးတွေဖြစ်နိုင်တယ်’’ဟု အလှမယ် ထားထက်ထက်က ၎င်း၏ အတွေ့အကြုံများနှင့် နှိုင်း ယှဉ်ကာပြောသည်။
    ထို့ကြောင့် အလှမယ်များ အနေဖြင့် စာချုပ်ချုပ်သည့် အချိန်တွင် သွားရောက်ယှဉ်ပြိုင်ရမည့် စိတ်တစ်ခုတည်းကိုသာ ဦးစားမပေးဘဲ ကိုယ်တိုင်လိုချင်သည့် အချက်များကို ကနဦးကတည်းက ထည့်သွင်းသင့်ကြောင်း ထားထက်ထက်က အကြံပြုသည်။
    ထို့အတူအလှမယ်များအ တွက် အချိန်ယူပြုစုပျိုးထောင်ပေး ခဲ့ရသော အဖွဲ့အစည်းများအနေ နှင့်လည်း အောင်မြင်လာချိန်ကျမှ လက်တွဲဖြုတ်ခံလိုက်ရသဖြင့် မခံချိမခံသာဖြစ်ကာ အလှမယ်များ ရှေ့ရေးကို ပိတ်ဆို့သည့် လုပ်ရပ်များကလည်း မှန်ကန်သည့်နည်းလမ်း မဟုတ်ကြောင်း ထောက်ပြဝေဖန်မှုများပေါ်ထွက် လာသည်။
    ထိုဟိုးလေးတကျော် ပြဿ နာများဖြစ်ပွားရခြင်းမှာ နှစ်ဦးနှစ် ဖက်အပြင် အောင်မြင်လာသည့် အချိန်တွင် အခြားကြားဝင်သော အဖွဲ့များကြောင့် ပြဿနာကို ပိုရှုပ်ထွေးစေသည်ဟု ဆိုလာသူမှာ မေမြတ်နိုးနှင့် ဂျူးစံသာတို့ နှစ်ဦးအား ပံ့ပိုးပျိုးထောင်ပေးခဲ့သော Style Plus H ကိုယ်ရည်ကိုယ်သွေးမြှင့်တင်ရေး သင်တန်းမှ စီအီးအိုဒေါ် လှနုထွန်းဖြစ်သည်။
    ‘‘တခြားအဖွဲ့တွေမှာလည်း ဖြစ်နေတယ်။ ကိုယ့်ဆီမှာလည်း ဖြစ်တယ်။ အဲဒါဘာကြောင့်လဲဆို တော့ ကလေးတွေကို နောက် ကွယ်ကနေ သူတို့ရဲ့ နုနယ်တဲ့ စိတ်တွေ၊ ရိုးသားတဲ့စိတ်တွေကို အ ရောင်ဆိုးကြတဲ့သူတွေရှိနေလို့လို့ လှနုယုံကြည်ပါတယ်။ အဲဒါ ကြောင့်လည်း အဖွဲ့အစည်းတွေ နဲ့ မယ်တွေကြားမှာ အဆင်မပြေ မှုတွေဖြစ်နေကြတာပါ’’ဟု ဒေါ်လှနုထွန်းကပြောသည်။
      မယ်စကြ၀ဠာ ပြိုင်ပွဲကို မြန်မာနိုင်ငံတွင် ဦးဆောင်ကျင်းပ လျက်ရှိသူ Hello Madam မီဒီ ယာမှ ဒေါ်စိုးယုဝေက ထိုပြဿနာ များနှင့် ပတ်သက်၍ ‘‘အစ်မ ထင်တာကတော့ တစ်ယောက်နဲ့ တစ်ယောက် ညှိနှိုင်းမှု အားနည်း တာလည်းပါမယ်။ နောက်ပြီး အခုမှစပြီး လုပ်ကြတာဆိုတော့ အလှမယ်ဘက်ကလည်း ဒါပြီးရင်  ဘာတွေလုပ်ရမယ်ဆိုတာ မသိ ဘူး။ အဖွဲ့အစည်းတွေ ဘက်က လည်း ကြိုတင်သဘောတူညီမှုယူ တဲ့အပိုင်းမှာ အားနည်းသွားတာ လည်းပါလိမ့်မယ်’’ဟု သုံးသပ် ပြောကြားသည်။
    မယ်စကြ၀ဠာပြိုင်ပွဲစင်မြင့် ထက်တွင် မြန်မာနိုင်ငံကိုယ်စား ပြုအနေဖြင့် နှစ်ပေါင်း (၅၀) ကျော်ကြာမှ ပထမဆုံးပြန်လည်ယှဉ်ပြိုင် ခွင့်ရခဲ့သော မိုးစက်ဝိုင်ကလည်း ၎င်း၏အတွေ့အကြုံကို မျှဝေ သည်။
    ‘‘မြန်မာနိုင်ငံမှာက အခုချိန် မှ Miss တွေကိစ္စက ပေါ်ပြူလာ ဖြစ်လာတဲ့အတွက် အပြောင်းအ လဲမှာ ကြုံတွေ့နေကျ ပဋိပက္ခလေးတွေတော့ ရှိတတ်တာပါပဲ။ လုပ်ငန်းတစ်ခု စလုပ်တယ်ဆိုရင် တောင် အစပိုင်းမှာ အခက်အခဲ တွေရှိမှာပဲ။ အဲဒီအခက်အခဲတွေ မှာ မှားတာလည်းရှိမယ်။ မှန်တာ လည်းရှိမယ်။ တစ်ယောက်နဲ့ တစ်ယောက်က ခံယူချက်ချင်းမတူနိုင် ဘူး။ မိုးစက်ဝိုင်ပြိုင်တုန်းကတော့ အနုပညာလောကကိုဝင်ဖို့ မဟုတ်တဲ့အတွက် မိုးစက်ဝိုင်ရဲ့ သ ဘောထားကို (အဖွဲ့အစည်းက) နားလည်ပေးတယ်။ မိုးစက်ကလည်း သူတို့လုပ်ချင်တာတွေကို လုပ်ပေးဖြစ်တယ်။ အဓိက ကတော့ ညှိနှိုင်းဆောင်ရွက်ဖို့ပါ’’ ဟု ပြောကြားသည်။
    အလှမယ်တစ်ယောက်ပြီး တစ်ယောက်ကို နိုင်ငံချစ်စိတ်ဖြင့် တစ်လျှောက်လုံး လက်ခုပ်လက် ၀ါးများတီးကာ အွန်လိုင်းတွင် မဲ ပေးရမည်ဆိုလျှင်လည်း အား တက်သရောရှိခဲ့သည့် ပရိသတ် များ၏ အားပေးမှုအရှိန်မှာ ထိုထို သော ပြဿနာများကြောင့် လျော့ကျလာခဲ့ပြီ။
     မြန်မာမိန်းကလေးငယ် အချို့၏ စိတ်ကူးအိပ်မက်တစ်ခု ဖြစ်လာသည့် ‘‘မြန်မာ’’ဆိုသည့် စလွယ်ဝတ်ဆင်ကာ နိုင်ငံကိုယ် စားပြုရေးအိပ်မက်များသည် လည်း ယခုကဲ့သို့ရှုပ်ထွေးသော ပြဿနာများကြောင့်ေ၀၀ါးပျက် ပြယ်သွားတော့မည်လား . . .နိုင်ငံတကာအလှမယ်ပြိုင်ပွဲများ၏ စင် မြင့်ထက်တွင် တစ်ကျော့ပြန်နေ ရာယူစပြုနေပြီဖြစ်သည့် မြန်မာ နိုင်ငံ၏ ပုံရိပ်သည် ယခုလို သာဓ ကများကြောင့် မှေးမှိန်သွားတော့ မည်လောဆိုသည်မှာမူ . . . အချိန်က အဖြေထုတ်သွားပေလိမ့် မည်။။
    7DayDaily

    0 comments:

    Post a Comment